16. maj 2011
Ilinniagaqarnermi kalaallisuinnaq oqaasillit periarfissaqalernissaat piaarnerumik aqqutissiuuttariaqarpoq.
Nunatsinni innuttaaqativut kalaallisuinnaq oqaasillit ilinniagaqarnissaminnut periarfissat annertusarneqassappat, illua-tungaatigullu nunatsinni ilinniarsimassutsitta qaffassarnissaanut periarfissat pigisagut atorlugit aaqqissuussinikkut angusariaqarparput.
Tamanna aamma nutaarsiassani eqqaaneqartoq tassalu Socialassistentinngorniarnermi piumasaqaatit uani eqqarsaatigalugit.
ATASSUT-miit pingaartipparput nunatta nammineernerujartussaguni aamma ilinniartitaanikkut periarfissarisaasut annertuumik iliuuseqarfiginerisigut tamanna kinguneqartariaqartoq.
Naammanngilaq oqaannarutta nunarsuarmioqataagatta tamanna akigisariaqaraa, aap nunarsuarmioqataavugut, taamaattorli piviusuuvoq, nunatsinni innuttaasut tassaammata sallerpaatillugit naatsorsuutigisassagut sulisoqarnikkut, minnerunngitsumik ilinniarsimassutsitta annertusarneranni.