|
UKA 2010/80
Inatsisartut suleriaasianni § 32 naapertorlugu aalajangiiffigisassatut siunnersuut imaattoq matumuuna saqqummiupparput:
Qilalukkanik qaqortanik qernertanillu illersuineq piniarnerlu pillugit Namminersornerullutik Oqartussat nalunaarutaat nr. 2, 12. februar 2004-meersoq Naalakkersuisut allanngortitsinissaannik peqquneqarnissaannik Inatsisartut aalajangiiffigisassaattut siunnersuut, taamaalilluni kitaata qeqqani aammalu nunatta kujataani qilalukkanik qernertanik pisassiisoqassalluni
(ATASSUT-ip Inatsisartuni ilaasortaatitai: Siverth K. Heilmann, Knud Kristiansen)
Tunngavilersuut:
Kalaallit Nunaata kitaata qiterpasissuani aammalu kujataani qilalukkanik qernertanik ukiuni arlalissuanngortuni pisassiisoqarnikuunngilaq, naak massa qilalukkat qernertat ingerlaartarnerminni ukiuni arlalinni kujavarteraluttuinnaraluartut.
Qilalukkat qernertat kitaata qiterpasissuani aammalu kujataani amerliartornerisa kingunerisaanik sumiiffinni pineqartuni qilalukkanit nerineqartarnermikkut aalisakkat ikiliartulersimapput.
Tamanna tunngavigalugu aammalu sumiiffinni pineqartuni qilalukkat qernertat amerliartuinnarnerannik pineqartoq pillugu aalisartut piniartullu ilisimasaat tunngavigalugit, ATASSUT-mit isumaqarpugut illersorneqarsinnaasumik aammalu piujuaannartitsinissamik siunertaqarneq innarlinngikkaluarlugu qernertanik kitaata qeqqani kujataanilu pisassiisoqartalersinnaasoq, soorlu aamma qaqortat eqqarsaatigalugit taamaaliortoqartalereersoq.
Inatsisini aammalu nalunaarutini tassunga atasuni pisassiisinnaanermut periarfissat ammareermata matumani apeqqutaaginnassaaq Inatsisartut Naalakkersuisunut pisassiinissamik peqqusinissaat.
|